Insports.kz

4–10 шілде аралығында Астанада ауыр атлетикадан жасөспірімдер мен жастар арасындағы Азия чемпионаты өтеді.

Федерация баспасөз қызметінің ақпаратына сәйкес, жарысқа 27 елден 450-ден астам спортшы қатысады.

Қазақстан құрамасы сапында 36 жас зілтемірші өнер көрсетеді. Құраманың нақты тізімі кейінірек жарияланады.

Жүлделер U17 және U20 жас санаттары бойынша сарапқа салынады.

Жарыстар Qazaqstan жеңіл атлетикалық спорт кешенінде өтеді.

https://t.me/atamekenbusiness_sport

🚴‍♂️Диего Улисси Giro dell’Appennino жарысында жеңіске жетті

Бүгін, 24 маусым күні Италияда өткен әйгілі Giro dell’Appennino біркүндік веложарысында XDS Astana Team өкілі Диего Улисси топ жарды.

198,5 шақырымға созылған жарыс Нови-Лигуреден басталып, Генуя қаласында мәресіне жетті. Улисси жарыстың шешуші сәтін дәл сезініп, Pietralavezzara асуынан кейінгі еңісте шабуылға көшті. Бұл мәреге дейін әлі 37 шақырым бар кезде жасалған тәуекелді қадам еді. Алайда ол сол сәттен бастап тізгінді қолдан бермей, Madonna della Guardia төбесінен өтіп, Генуяда мәреге жеке дара келді.

Оның уақыт көрсеткіші – 5 сағат 3 минут 35 секунд. Екінші болып 8 секунд айырмашылықпен украиналық Андрий Пономар келсе, үшінші орынды елордалық команданың тағы бір шабандозы Симоне Веласко (+13 сек) еншіледі.

Бұл жеңіс Улисси үшін маусымдағы алғашқысы. Сонымен қатар, XDS Astana Team үшін 2025 жылғы 19-шы жеңіс болып тіркелді.

35 жастағы велошабандоз мұндай жетістігімен Giro dell’Appennino тарихындағы ең жасы үлкен жеңімпаздардың біріне айналды.

Құттықтаймыз👏👏👏

✍️https://t.me/atamekenbusiness_sport

Қазақстандық теннисшілер 🌱Уимблдонда өнер көрсетеді

30 маусым күні Лондонның жүрегінде әйгілі All England Club корттарында теннистің төресі саналатын Уимблдон басталады.

Бұл тек турнир емес, бұл – дәстүр мен даңқтың символы. Жасыл алаңда өнер көрсету әр спортшының арманы, ал жеңіске жеткендері мәңгі тарихта қалады.

Биылғы жарыс бұрынғыдан да айрықша болғалы тұр…

👉👉👉👉https://inbusiness.kz/kz/news/kazakstandyk-tennisshiler-uimbldonda-oner-korsetedi

«Жетісай» ФК бірден төрт футболшымен қош айтысты

Айтөре Елман, Батырхан Мұстафин, Айту Хансұлтан және Момын Тілеуберді «Жетісай» футбол клубы сапынан кетті.

Клуб пен ойыншылар арасындағы келісімдердің аяқталуына байланысты тараптар ортақ шешім қабылдаған.

📱https://t.me/atamekenbusiness_sport

🥇TАРИХИ АЛТЫН!

Мұқат Жайдар араға 11 жыл салып, еліміздің әйелдер күресі тарихын қайта жаңғыртып, Азия чемпионы атанды!

2025 жылдың 21–26 маусым аралығында Вьетнамның Вунгтау қаласында грек-рим күресінен жасөспірімдер арасында (U17) Азия Чемпионаты өтуде.
Бүгінгі күн нәтижесі бойынша, «Күрес түрлері бойынша олимпиадалық даярлау орталығы» РМҚК Жақсылық Үшкемпіров атындағы жекпе-жек сарайы спортшысы Мұқат Жайдар 61 кг салмақ дәрежесінде сынға түсіп чемпион атанды!
Спортшымызды және бапкерлерімізді жарқын жеңістерімен құттықтаймыз!

@turism_sport_ministrligi

🏒 Құрлықтық Кубок-2025: «Торпедо» жарысты жартылай финалдан бастайды

Өткен маусымда финалдық кезеңнен бас тартқан Көкшетаудың «Арланы» турнирден шеттетілді❌.

✍️Халықаралық хоккей федерациясының шешімімен келесі маусымда Қазақстанның күміс жүлдегері — Өскеменнің «Торпедо» командасы ел намысын қорғайды.

Турнир жаңа форматта өтеді. «Торпедо» жарысты бірден жартылай финалдан бастайды. Бұл кезеңде клуб Польшаның «Катовице», Ұлыбританияның «Ноттингем Пантерс», Данияның «Хернинг Блю Фокс» және Францияның «Дюк д’Анже» командаларымен бірге бақ сынайды.

🔹 Қалған 8 команда алғашқы іріктеу кезеңінде өзара күш сынасады. Екі топтың жеңімпаздары жартылай финалға жолдама алады.

🔹Жартылай финал ойындары 2025 жылдың қараша айына жоспарланған.

🔹Финал 2026 жылдың 15–18 қаңтары аралығында өтеді. Оған үздік төрт команда қатысады.

📱https://t.me/atamekenbusiness_sport

🏃‍♀️ Кристина Овчинникова Польшада өткен халықаралық турнирде күміс🥈 медаль иеленді!

Қазақстандық жеңіл атлетика жанкүйерлері үшін тағы бір қуанышты жаңалық!

Варшавада өткен Konopacka Warsaw Classic халықаралық жарысында Кристина Овчинникова биіктікке секіруден күміс жүлде жеңіп алды. Ол 185 см биіктікті бағындырып, екінші нәтиже көрсетті.

🥇Алтын жүлде украиналық Юлия Левченкоға, оның нәтижесі 192 см.
🥉Қола медаль польшалық Алисия Высоцкада, ол да 185 см нәтижемен үздік үштікті түйіндеді.

Айта кетейік, Кристина бұған дейін Грекияда өткен халықаралық турнирде топ жарған болатын.

🇰🇿Қазақстан намысын абыроймен қорғап жүрген Кристинаға алдағы жарыстарда сәттілік тілейміз!

https://t.me/atamekenbusiness_sport

🚴‍♂️Astana велошабандозы Қытай чемпионатында күміс еншіледі

XDS Astana Team командасының велошабандозы Хаоюй Су Қытай чемпионатында жекелей жарыста күміс жүлдеге ие болды. Бұл оның ұлттық біріншіліктегі ең үздік көрсеткіші.

Жарыс Қытайдағы🇨🇳 Ордос мәдени индустрия паркі аумағында өтті.

Велошабандоздар 38,6 шақырымдық қашықтықты еңсерді. Жол бағыты былтырғы жарыспен ұқсас — биіктігі шамамен 1300 метр болатын таулы өңірде өтті.

🎙Жарыс өткен жылғыдай болды. 40 шақырымдық трасса, биіктігі шамамен 1300 метр. Командалық оқу-жаттығу жиыны дәл осындай биіктікте өтіп, бүгінгі нәтижеме айтарлықтай көмектесті. Алекс (Даусетт) мен үшін керемет орын таңдап берді. Соның арқасында аз кедергімен көбірек күш жұмсадым. Бүгін жарыс тактикасын толық ұстанып, бар күшімді сарп еттім. Алғашқы орыннан небәрі төрт секунд қалып қойғаным аздап өкінішті, бірақ қай тұста жұмыс істеу керектігін білемін. Алдағы уақытта прогресс жасап, реванш алуға тырысамын, — деді Хаоюй Су жарыстан кейінгі сұхбатында.

✍️ https://t.me/atamekenbusiness_sport

💚«Атырау» клубы Молдовада ойнайтын қазақстандық футболшыны қатарға қосады

Өткен турда бас бапкері мен 8 футболшысымен қош айтысқан «Атырау» клубы трансферлік кезеңге белсенді дайындалып жатыр.

Инсайдтарға сенетін болсақ, «Атырау» командасы Молдова чемпионатының «Балти» клубында доп тебетін 21 жастағы Вадим Яковлевке көз тігіп отыр.
Футболшы биылғы маусымда 20 ойынға қатысып, 2 гол соққан.

📊Айта кетейік, қазіргі сәтте «Атырау» 13 турдан соң, 4 ұпаймен турнир кестесінің соңғы орынында тұр.

📱https://t.me/atamekenbusiness_sport

Әлем чемпионы елге оралды

Бүгін Астана халықаралық әуежайында Болгарияда өткен жаһандық додада ел намысын қорғаған көркем гимнастшыларды қарсы алу рәсімі өтті.

Көркем гимнастикадан жасөспірімдер арасындағы тұңғыш әлем чемпионы🏆 Ақмарал Ерекешева мен әлем чемпионатының қатысушылары 🛬елге оралды.

📱https://t.me/atamekenbusiness_sport

Елдос Сметовке Италияда ота жасалды

Көптен бері Елдосқа бозкілемге шығуға кедергі келтіріп жүрген ескі жарақат спорттық жаттығуларға толыққанды кірісуіне мүмкіндік бермеген еді. Ақыры ұзаққа созылған ауырсынулар ота жасатуға мәжбүрледі.

"Мені уайымдап, алаңдаушылық білдіріп жатқандырыңызға рахмет! Италияның Рим қаласында иығыма ота жасатқаным рас. Аллаға шүкір, бәрі жақсы өтті. Өздеріңіз бұрыннан білесіздер Олимпиадаға дейін де иығымның жарақаты, ұсақ жарақаттарым жиі мазалайтын. Қазір денсаулығыма толық көңіл бөлгенді және толық ем қабылдағанды жөн көрдім.

Алла жазса, 2–3 айдан кейін жаттығу, ал жарыстарға — келесі жылдың басында қосылуға ниеттімін.

Карьерсын аяқтады деп сүйіншілегендерге де сәлем жолдаймын. Мен әлі сары нашивкамен татамиге шығып күресетін боламын", - деді Сметов Instagram парақшасындағы жазбада.

Елдос Сметов — Қазақстан тарихында дзюдодан тұңғыш Олимпиада чемпионы атанған спортшы. Оның басты ерекшелігі — Олимпиада ойындарының барлық жүлдесіне қол жеткізген аз ғана дзюдошылардың бірі болуы. Ол 2024 жылы Парижде алтын, 2016 жылы Рио-де-Жанейрода күміс, 2020 жылы Токиода қола медаль жеңіп алды.

Осылайша, Сметов Олимпиада аренасында қазақ дзюдосының жаңа белесіне жол ашты. Олимпиададан бөлек, Сметовтің спорттық жолы сан мәрте жеңістермен көмкерілген.

Ол 2014 жылы Азия ойындарының чемпионы атанса, 2015 жылы әлем чемпионы, ал 2016 жылы Азия чемпионы атағын иеленді. Бұл жетістіктер оның мықты техникасы мен жанкешті еңбегінің жемісі.

📱https://t.me/atamekenbusiness_sport

Бүгін 23 маусым күні, Халықаралық Олимпиада күнінде Лозанна қаласындағы Олимпиада үйінде Халықаралық Олимпиадалық комитеті президентінің өкілеттігін табыстау рәсімі өтті.

Бұған дейін ХОК-ты басқарған Томас Бах өз өкілеттігін ресми түрде Зимбабведен шыққан жүзуден екі дүркін олимпиада чемпионы Кирсти Ковентриге тапсырды.

Тимофей Скатов Уимблдон-2025 турнирін сәтті бастады

Қазақстандық теннисші Тимофей Скатов әйгілі Уимблдон турнирінде іріктеу кезеңін жеңіспен бастады. Бірінші айналымда ол италиялық Стефано Наполитаноны айқын басымдықпен — 6:1, 6:4 есебімен ұтты.

Матчтың алғашқы минуттарынан бастап-ақ Скатов кортта өз үстемдігін көрсетті. Оның алғашқы доптағы дәлдігі, тұрақты ойыны мен жеңіске деген құлшынысы бірден көзге түсті. Қазақстандық теннисші шабуыл мен қорғанысты ұтымды үйлестіріп, қарсыласын тығырыққа тірей білді.
👉Енді Тимофей келесі айналымда бельгиялық Александр Блоксқа қарсы ойнайды. ATP рейтингінде 144-орында тұрған Блокс оңай қарсылас емес. Алайда Скатов қазіргі бабында бұл сынақтан сүрінбей өтуге толықтай лайық.

❌Попко іріктеуден өте алмады
Қазақстан атынан тағы бір сынға түскен теннисші Дмитрий Попко өкінішке қарай жарысты ерте аяқтады. Ол аргентиналық Роман Бурручагаға 2:6, 1:6 есебімен жол беріп, іріктеу кезеңінің бірінші айналымында-ақ жарыс жолынан шығып қалды.

Уимблдон-2025: тарих пен жаңашылдық тоғысқан турнир
Теннис әлеміндегі ең беделді жарыс — Уимблдон биыл 138-рет ұйымдастырылуда. Ағылшын жеріндегі әйгілі жасыл корттар 30 маусым мен 13 шілде аралығында әлемнің үздік теннисшілерін қабылдайды.

🆕Турнирдің басты ерекшеліктері
🔹Электронды төрешілер. 2025 жылы алғаш рет Уимблдон барлық корттарда адам төрешілерден бас тартып, тек электронды жүйемен жұмыс істеуде. Бұл — турнир тарихындағы үлкен бетбұрыс.

🔹⏰Кеш басталатын финалдар. Әйелдер мен ерлер арасындағы финалдар енді 14:00 емес, 16:00-де басталады. Бұл телетрансляция мен көрермен сұранысына жауап болды.

🔹💰Рекордтық жүлде қоры. Биылғы жарыстың жалпы жүлде қоры — 53,5 миллион фунт стерлинг (шамамен $72,6 млн). Жекелей сында жеңіске жеткен спортшылар 3 миллион фунттан астам қаржыға ие болады.

Басты фавориттер.
2025 жылғы жарысқа ерлер арасынан 🇮🇹Янник Синнер, 🇪🇸Карлос Алькарас (өткен жылғы жеңімпаз) және 🇷🇸Новак Джокович сынды майталмандар қатысады.

Ал, әйелдер арасында 🎾Барбора Крейчикова (2024 жылғы чемпион), 🇵🇱Ига Швёнтек, 🇧🇾Арина Соболенка және 🇺🇸Коко Гауфф сияқты теннисшілер бас жүлдеге басты үміткер саналады.

☝️Алда шешуші күндер.
24–26 маусым іріктеу ойындарының соңғы кезеңдері өтсе, 27 маусым негізгі турнирдің жеребесі тартылады. Ал, 30 маусым алғашқы айналым матчтары басталады.

✍️ https://t.me/atamekenbusiness_sport

Талғарда KFF Academy by International Airport ғимаратының құрылысы басталды

23 маусымда Алматы облысы Талғар қаласында халықаралық FIFA стандартына сай KFF Academy by Almaty International Airport ғимаратының іргетасын қалау рәсімі өтті.

Жоба Қазақстан футбол федерациясының бастамасымен, Алматы халықаралық әуежайының қаржылық қолдауымен жүзеге асырылып отыр.

Академияның жалпы аумағы – 5 520 шаршы метр.

Қазақстан футбол федерациясының президенті Марат Омаровтың айтуынша, академияда жас футболшыларға жүйелі түрде заманауи футбол талаптарына сай дайындалуға барлық жағдай жасалады.

📱https://t.me/atamekenbusiness_sport

Бокстан Әлем кубогына қатысатын Германия 🇩🇪құрамасы 🛬Астанаға келіп жетті

Германия сапында 2022 жылғы әлем кубогының чемпионы Салах Ибрахим, Еуропа чемпионатының қола жүлдегері Магомед Шахидов сияқты танымал боксшылар бар.

Бұған дейін АҚШ🇺🇸, Канада🇨🇦, Әзербайжан🇦🇿, Франция🇫🇷, Швейцария🇨🇭, Финляндия🇫🇮, Швеция🇸🇪, Аустралия🇦🇺 және Сербия 🇷🇸елдерінің спортшылары Астанаға келген еді.

30 маусым мен 6 шілде аралығында Астанада бокстан әлем кубогі өтеді.
Айтулы жарысқа 31 мемлекеттен 300-ге жуық боксшы қатысады деп жоспарлануда.

📸boxing federation

Зарина Дияс Испанияда өткен ITF W35 турнирінің 🏆чемпионы атанды

Қазақстандық теннисші Зарина Дияс өз жанкүйерлерін тағы бір жарқын жеңіспен қуантты.

🇪🇸Испанияның Таусте қаласында өткен ITF W35 санатындағы халықаралық турнирде ол чемпион атанып, кәсіби мансабындағы 12-ші ITF титулын жеңіп алды.

Финалда Зарина италиялық қарсыласы Дилетта Черубинимен (WTA 446) кездесіп, үш сетке созылған тартысты матчта мықтылығын дәлелдеді. Қорытынды есеп – 6:1, 6:7 (4:7), 6:1.

Бірінші және үшінші сеттерде сенімді ойын көрсеткен қазақстандық теннисші екінші сеттегі тай-брейкте жеңілгенімен, шешуші кезеңде қарсыласқа еш мүмкіндік қалдырмады.

Айта кетерлігі, бұл турнир W35 санатына жатады және ITF (Халықаралық теннис федерациясы) аясында өтетін беделді жарыстардың бірі. Мұндай турнирлер әлемдік рейтингтегі ұпайлар жинап, теннисшілерге үлкен додаларға жолдама алуға мүмкіндік береді.

✍️https://t.me/atamekenbusiness_sport

Тарихи жеңіс: Қазақстан алғаш рет жастар арасындағы Азия чемпионатында жағажай волейболынан алтын еншіледі

Таиландтың Ройет қаласында жағажай волейболынан жастар арасындағы Азия чемпионаты аяқталды.

Қазақстан құрамасының өкілдері Клим Рюхов пен Владислав Мастихин елге алтын медаль сыйлады. Финалда дуэт Қытайдың бірінші құрамасын 2:0 (21:19, 21:16) есебімен жеңді.

Айта кетейік, Қазақстан волейболшылары жастар арасындағы Азия чемпионатында алғаш рет топ жарды. Бұған дейін біздің командалар тек күміс және қола жүлдеге қол жеткізген еді.

✍️https://t.me/atamekenbusiness_sport